Mizo Students Association, Bangalore

MSA Day 2009

Written by Alan Pachuau Friday, 20 November 2009 10:47

Ni 21 November 2009, Inrinni hian Mizo Students' Association, Bangalore chuan MSA Day kan hmang leh dawn ta reng mai. MSA Day ah hian thalaite'n kan chhawr tangkai zawk theihna turin seminar zangkhai leh hlimawmtak neih tur a ruahman a ni. Seminar thupui atan hian thalaite'n kan mamawh em em, nula leh tlangval inngaihzawn lai nun atanga nupa insiam thlenga nun dan leh inkaihhruaina lam hawi te a ni dawn a ni. Seminar min rawn neih sak tur hian Pu Josiah L. Ralte leh Pu Rev. R.L. Thanmawia te sawm an ni. MSA Day kan nghahhlelh em em na thin, "VAWKSA REP" eitur a awm leh dawn bawk a nia. Vawksa rep hi dinner ah siam a ni dawn a ni.

Mi zawng zawng lokal turin kan sawmin kan ngen bawk che u a ni.

Event: MSA Day 2009

Time: 12:30PM

Venue: UTC, Benson Town

Swine Flu leh Vawksa Ei

Written by Dr. Lalhmingmuana Sailo Thursday, 09 July 2009 17:04

SWINE FLU LEH VAWKSA EI
-Dr. Lalhmingmuana Sailo

Tunlai chanchinthar a hmun luah tam ber pakhat chu ‘Swine Flu’ hi a ni awm e. Swine Flu vei hlauh vanga Vawksa ei kan thinhrik titih erawh hi chu a dik ber lo tlat! Vawksa ei kan insum hrim hrim a nih erawh chuan thuhran a ni a. A natna chungchang leh mihring a natna a thlen dan chu chanchinbu atangin kan hre thawkhat tawh ah ngai ila. Ama’rawhchu Vawksa ei chak tak si, mahse Swine Flu kai hlau te kan awm theih avangin tawi fel deuhin sawi ila.

Swine Flu (Swine Influenza) natna hi natna tharlam a ni lo a, amarawhchu natna hrik te hi an insiam danglam (mutate) awlsam em avangin mihring leh ran natna an thlen tam hle. Ama’rawhchu vanneihthlak takin Vawksa ei atanga kaichhawn theih a nilo thung.

He natna thentu Influenza Virus A zinga pakhat (Strain) H1N1 te hi 45°C - 50°C chunglamah an thi vek a, tin boruak lum ah an thi awlsam hle. He Natna hi boruak atanga in kaichhawn a ni a (Text Book of Vety. Microbiology & Microbial Diseases by Quin P.J. et. ol). Vawksa, Swine Flu natna vei I lo lei palh hlauh anih pawhin I ei hma a vei hmasa tur chu Vawk talhtute leh a vulhtute an ni zawk. A chhan chu heng natna hrik te hi natna vei hnar atang a tuihnang (hnap, khak etc) atanga kaidarh an ni a, Boruak ah erawh an dam rei thung. Hei vang tak hian natna vei reng rengte hi vawksa an ei vang niloin natna vei te bula an awm emaw boruak a natna hrik an hip luh vang a vei an ni. (Text Book of Vety. Virology by Murphy et.ol).

For further information Contact: This e-mail address is being protected from spambots. You need JavaScript enabled to view it
0 Comments

BMCF Inkhawm - 28th June 2009

Written by Administrator Monday, 29 June 2009 00:25

28th June 2009, BMCF Sunday inkhawm thlalakte en theih turin dah chhuah a ni leh ta e. Pathian thuchah tha tak Pu Sangliana hnen atangin kan ngaihthla a. Kan Treasurer Nl. B. C. Lalremmawii(Kuri) hnen atangin Pathian fakna hla mawi tak kan ngaithla bawk a ni.

Thalak dangte enturin a chunga thlalakah khian i click dawn nia.

0 Comments

Bangalore Zirlai Chhuanawmte

Written by Lalengzuala Sunday, 28 June 2009 19:30

Mizo Students' Association, Bangalore hi kan vannei thin ngawt mai. Tun hnaiah pawh chanchin ngaihnawm leh entawn tlak tak tak hriat tur a awm leh ta nual mai.

IES-ah Tv. Thangchhuana

Tv. Thangchhuana hi MSA Member thin niin, Dr. AIT atangin BE (Civil) a zir zo a. IES-ah hian a tling ringawt pawh a ni lova, a ti tha hle a. 125-na a ni phak a. A fakawmin a entawn tlak hle a ni.

Nl. Mimi Hrahsel IIM-B-ah lut fel ta

Nl. Mimi Hrahsel pawh CAT a ziah hnuin India rama Business school tha ber maiah a lut thei a. Hlawh tling hle turin MSA Bangalore te chuan kan duhsak tak meuh meuh a ni

Nl. R. Lalbiaknungi leh Nl. R. Laltleipuii te IIT, Guwahati-ah

Nl. Mami leh Nl. Atleii te hi UVCE a BE (Civil) zirlai ve ve niin, MSA-ah pawh mi tangkai tak tak lo ni tawh thin an ni a. Anni pahnih hian GATE an pe a; tichuan IIT Guwahati hi an chang thei ta a ni. MSA Bangalore in an zir zelna tur atan kan duhsakna sang ber kan hlan tak meuh meuh a ni.

0 Comments

BMCF Inkhawm - 21st June 2009

Written by Alan Pachuau Sunday, 28 June 2009 18:14

21st June 2009, BMCF sunday inkhawm thlalakte en theihin dah chhuah a ni leh ta e. Father's day a nih angin nuam takin Nuhoin hun an hmang a ni.

Thalak dangte enturin a chunga thlalakah khian i click dawn nia.

0 Comments

BMCF Inkhawm - 7th June 2009

Written by Alan Pachuau Saturday, 20 June 2009 16:11

7th June 2009, BMCF sunday inkhawm thlalakte en theihin dah chhuah a ni leh ta e.

Thalak dangte enturin a chunga thlalakah khian i click dawn nia.

1 Comments

BMCF Inkhawm - 31st May 2009

Written by Alan Pachuau Saturday, 20 June 2009 16:02

31st May 2009, BMCF Sunday inkhawm thlalakte en theih turin kan han dah chhuak leh ta e. Keimahni lam harsatna leh rokhawlhna avangin thlalakte kan update lawk thei lo a, kan website tlawh thin tute chungah ngaihdam kan han dil nghal e.

Thalak dangte enturin a chungah thlalakah khian i click dawn nia.

0 Comments

BMCF Inkhawm - 17th May, 2009

Written by Administrator Sunday, 31 May 2009 01:49

17th May 2009, Bangalore Mizo Christian Fellowship Sunday inkhawm thlalakte entheih a ni leh ta e. Kan inkhawm hi Rev H. Lalnunmawia'n min kaihruaia, Tv. Thanghmingliana'n zaia Pathian fakna hun a hmang bawk a ni.

Thlalak dangte en turin thlalakah khian click rawh le.

0 Comments

BMCF Inkhawm - 10th May, 2009

Written by Lalengzuala Sunday, 10 May 2009 23:16

Bangalore Mizo-ten vawiinah inkhawmna hun tha tak kan nei leh thei a. Pi Saibuangin min kaihruai a, Tv. Amos Lalremtluanga a tan a. Nl. VL Chhuani'n thawhlawm min hlan sak a. Special number pahnih lai kan nei thei a - Bangalore Mizo Christian Fellowpship Zaipawlin 'Thank God I am Free' tih hla in nalh takin min awi a; tin, Nl. Gospel Lalhmingmawiin nalh takih sap hla a rawn sa bawk a. Rev. PC Lalduhawma'n thu a sawi a.

Vawiin hi Mother's Day a nih angin, Bangalore Mizo in nu kan neihte hnenah pangpar nalh tak kan pe a. Inkhawm banah tihdan pangngaiin thingpui tui tak kan inho leh a ni.